Die Disco-Muck

(Text u. Musik: Gerd Backert/Arr.: Matthias Rotter)

A jeder wäss, am schönsten is im Bett,
denn dou störd enn kä Maschin und kä Ferdichungsdermin.
Ich freu mich dan gansn Douch scho auf mei Bett.
Ich wühl mich in die Kissen nei und lous ölläs andra blei.
Wenn mei Fraa net wär, die alda Nerfmsäch:
die weckt mich middn in der Nachd, machd a Gschrei, dös nur su krachd,
gans schloufdaab setz ich mich erschroggn auf un gugg,
dou sochd sa: Eduard, geh auf und fang die Muck.

Eduard, geh auf und fang die Muck!
Komm sitz doch net su olber rüm und gugg!
Komm, zier dich net und gugg net wie a Schouf!
Eduard, fang die Muck, die Muck, ich ka sünst nümmer gschlouf!
Eduard, fang die Muck, die Muck, ich ka sünst nümmer gschlouf!

Vum Schdammdisch kumm ich hearm, es woar scho schpäd,
Mensch woar dös a schöäna Nachd, mir ham gsunga und ham glachd.
A dös Bier, dös hot heid bsonders gud uns gschmeggt.
Ich wühl mich in die Kissen nei und lous ölläs andra blei.
Wenn mei Fraa net wär, die alda Nerfmsäch:
die weckt mich middn in der Nachd, machd a Gschrei, dös nur su krachd,
gans schloufdaab setz ich mich erschroggn auf un gugg,
dou sochd sa: Eduard, geh auf und fang die Muck.

Eduard, geh auf und fang die Muck!
Komm sitz doch net su olber rüm und gugg!
Komm, zier dich net und gugg net wie a Schouf!
Eduard, fang die Muck, die Muck, ich ka sünst nümmer gschlouf!
Eduard, fang die Muck, die Muck, ich ka sünst nümmer gschlouf!